cat Everyday I Am.md

प्रत्येक दिन,

म भनिने अस्तित्वहरु मर्दैछन्

गल्दैछन् अनि ढल्दैछन्

आज उसको पालो त,

भोलि फलानो को,

अनि सायद पर्सि मेरो।

अखिरी आतित्व त मेटिनु नै त छ

अनि अस्तित्व संगसंगै

मैले म भित्र र मेरो वरिपरि सिर्जना गरेको

फगत भ्रमको😶

म छु, र मैले गरेको छु,

भन्ने आडम्बरको छाहरीमा

उसको गरिमामय सृष्टिलाई हेय गर्ने म,

अन्त्यमा उसैको प्रकृतीमा बिलिन हुँदा

अनि उसैको आवरणमा एक हुँदा

कतिको हास्यास्पद बन्छु होला म

उसको प्रेम र अस्तित्वको भिखमा

पाएको मेरो जीवन ,

उसको याद र समर्पणमा बिताउन नसक्दा

अनि आफू स्वयमको कारण आफैलाई बताउँदा

कति असिम झुठको कारक हुन्छु होला म

एक मुठी श्वास , उसको कृपाको

आफ्नो शरिररुपी चादरमा भरी

त्यो स्वास उसैको नाममा समर्पण गर्न नसक्ने म

जिउनु र केवल श्वास फेर्दै मर्नुमा

के नै पो फरक होला र?